عندما يبدع سمي الزعفرآن ..{

ياطير حزنك ماغير الصبـح واليـوم
وانا امس واليوم والصبـح وقفيـه


ياطير والله ماغيـر اطيـح و اقـوم
قومة خوي(ن) يدافـع عـن خويـه



اجاهد النفس مثل الفـرس و الـروم
فـ أشـد و اقسـى الحـروب العالميـه



و اداري على خاطر غالي ومحشـوم
مـن شرهتـه لا يسندهـا علـيـه


والا ورى هالضلـوع علووووم و علووووم
لاحـد مــالا نهـايـة سرمـديـه


ياطير ياللي صفقت الريـش للحـوم
وانـا برجلـي طويـت الجرهـديـه


انا من الظلم ميـت وانـت مظلـوم
ارفـع جناحـك
وانـا برفـع يديـه


لله منـادي بوجهـه كـل مضيـوم
اللـي يديـر البسيطـه و البـريـه


يزيد معطـى ويكفـل رزق محـروم
والا تجـي بالتسـاوي ذي وذيــه


حظوظ تلبس بشوت وتنقـل ختـوم
وحظوظ ماتسـرح الا فـي الرعيـه


وين انت ياللي قدر فرقـاك محتـوم
ماشح بـك غيـر الاوفـاق الرديـه


ياقسمتي والحياة حظـوظ و قسـوم
ياقمـة الموهـبـة و الشاعـريـة


يالوحةٍ من سحاب ونار وغيوم
وإطارها وردتين ومزهريّه


كنّي خوي السهر ومحارب النوم
من يوم ماصرت عنّي وانت ليّه


بيني وبينك روابط حب وسلوم
شبت وشابت و وافتها المنيّه


اخاف اجيها وانا مانيب معزوم
واجلس بليا فراش ومقدريّه


اصبر واثابر واساوم وافرق السوم
وامدها من كفوفي حاتميّه


والصبر محمود كن الصبر مذموم
لافقت من بعض الافكار الغبيّه


ذكرت ياماااال فرقا العين .. ياقوم
اوّل هديّة غلا واخر هديّه


النظره اللي سهمها بأربع سهوم
ركبتها في ظلوع لولبيّه


غسلت وجهك من الشرهات واللوم
واقفيت حتى مارديت التحيّه








سمي الزعفران



الشـآعر / مدغم أبوشيبه السبيعي

تسلمييييييييييييين يالغلا

طرح راائع

دمتي خيتوو